HARI ENAM, 5 NOVEMBER 2022

SIBURAN: Chalun Gabungan Parti Sarawak (GPS), Datuk Willie Mongin deka disatup chalun Parti Keadilan Rakyat (PKR) enggau Parti Sarawak Bersatu (PSB) ba penuduk Parlimen Puncak Borneo.

PKR diarika Diog Dios lalu chalun PSB diarika Iana Akam.

Pegawai Pengatur Pengawa Bepilih Parlimen Puncak Borneo, Ranum Bari mantaika nama sida ba Palan Ngantung Nama di Opis Pelilih Siburan, pukul 12.20 ngalih hari, Hari Enam.

Dulu ari nya, Willie disempulang Menteri Pelajar, Inovasyen enggau Pemansang Pengelandik Sarawak, Datuk Roland Sagah Wee Inn ke nyadi pemantai nama iya enggau Kaban Kunsil Nengeri (ADUN) Mambong, Datuk Dr Jerip Susil nyadi penyukung datai ba palan nya pukul 8.45 pagi.

Bela datai meri sukung maya nya ADUN Serembu ke mega Tuai Raban Nembiak Parti Pesaka Bumiputera Bersatu (PBB), Miro Simuh.-EDISI UKAS