HARI ENAM, 19 NOVEMBER 2022

KUCHING: Gabungan Parti Sarawak (GPS) ditukuka menang 21 iti penuduk Parlimen ari 31 iti ba Pengawa Bepilih Besai (PRU) Ke-15.

Chairman GPS ke mega Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg madah, pemutus serak tu bisi manah mimit enti dibanding maya PRU ke-14 suba ke semina menang 18 iti penuduk alai maya nya agi bediri ngena lambang Barisan Nasional (BN).

Ku iya, penyampau ke bendar penuduk ke diempu GPS deka nambah ngagai 23 iti enti Komiti Pengawa Bepilih Besai (SPR) madahka pemutus Parlimen Limbang enggau Parlimen Baram nangkan tu ila.

Pemutus ba dua bengkah parlimen nya empai ditemu ketegal penusah ampuh bah.

Iya nerangka pekara tu maya aum media udah pemutus PRU-15 dibantai ungkup nengeri Sarawak ba Palan Konvensyen Borneo Kuching (BCCK), malam Hari Enam.

Maya nya mega, Premier Sarawak ngenataika jaku terima kasih ngagai semua pengundi di nengeri tu ke udah ngaga pemutus sida ba PRU-15.-EDISI UKAS